සත්බුදු වන්දනාව !

 

විපස්සිස්ස නමත්ථු - චක්ඛුමන්තස්ස සිරීමතෝ

සිඛිස්සපි නමත්ථු - සබ්බභූතානුකම්පිනෝ

වෙස්සභුස්ස නමත්ථු - නහාතකස්ස තපස්සිනෝ

නමත්ථු කකුසන්ධස්ස - මාරසේනාපමද්දිනෝ

කෝණාගමනස්ස නමත්ථු - බ්‍රාහ්මණස්ස වුසීමතෝ

කස්සපස්ස නමත්ථු - විප්පමුත්තස්ස සබ්බධී

අංගීරසස්ස නමත්ථු - සක්‍යපුත්තස්ස සිරීමතෝ

යෝ ඉමං ධම්මමදේසේසී - සබ්බදුක්ඛාපනූදනං

යේ චාපි නිබ්බුතා ලෝකේ - යථාභූතං විපස්සිසුං

තේ ජනා අපිසුණා - මහන්තා වීතසාරදා

හිතං දේවමනුස්සානං - යං නමස්සන්ති ගෝතමං

විජ්ජාචරණසම්පන්නං - මහන්තං වීතසාරදං

විජ්ජාචරණසම්පන්නං - බුද්ධං වන්දාම ගෝතමං

සිංහල තේරුම

සදහම් ඇස් ඇති - සොඳුරු සිරිය ඇති

විපස්සී බුදුරජාණන් හට - නමස්කාර වේවා

සියළු සතුන් හට - අනුකම්පා ඇති

සිඛී බුදුරජාණන් හට - නමස්කාර වේවා                                  

සියළු කෙලෙස් නැති - වෙර වීරිය ඇති

වෙස්සභූ බුදුරජාණන් හට - නමස්කාර වේවා

දස මර සේනා - ඔද තෙද බිඳ හළ

කකුසඳ බුදුරජාණන් හට - නමස්කාර වේවා

කෙලෙස් බැහැර කළ - බඹසර නිම කළ

කෝණාගමන බුදුරජාණන් හට - නමස්කාර වේවා

හැම කෙලෙසුන්ගෙන් - හොඳින් මිදී ගිය

කස්සප බුදුරජාණන් හට - නමස්කාර වේවා

ලොවේ සියලූ දුක් - මැනවින් දුරු වන

මේ සිරි සදහම් පවසා වදහළ - යම් කෙනෙකුන් වෙද

සොඳුරු සිරිය ඇති - ශාක්‍ය පුත්‍ර වූ

අංගීරස වූ අප ගේ ගෞතම බුදු සමිඳුන් හට නමස්කාර වේවා

ඒ බුදුවරු ලොව - නිවනට වැඩි සේක් ම ය

හැම දේ ගැන සැබෑ තත්වය - විදසුන් කළ සේක් ම ය

ඒ නරෝත්තමයන් වහන්සේලා - පිසුණු බස් නො පවසත් ම ය

මහානුභාව සම්පන්න ම ය - සසර බිය නැති සේක් ම ය

දෙවි මිනිසුන් හට - හිත සුව සලසන

ගෞතම නම් වූ - විජ්ජාචරණ සම්පන්න වූ

මහානුභාව සම්පන්න වූ - හැම බියෙන් නිදහස් වූ

බුදු රජාණන් වහන්සේට - දෙවි මිනිසුන් නමස්කාර කරන්නාහු ය

ගෞතම නම් වූ විජ්ජාචරණ සම්පන්න වූ

ඒ බුදු රජාණන් වහන්සේට - අප ගේ නමස්කාරය වේවා

                                      

සාදු ! සාදු ! සාදු !..

ඔබත් දිනපතා මෙම කල්ප සියය ඇතුලත ලොව පහළවූ සත්බුදු රජානන් වහන්සේලා වන්දනා කර ඔබේ වැඩකටයුතු අරබන්න.  

තෙරුවන් සරණයි!

https://www.facebook.com/dharmadhanan/photos/pb.536800879682956.-2207520000.1407723796./853862534643454/?type=3&theater